બચપણ થી ઘડપણ
આવો કહુ વાત સૌને વાત બચપણ થી ઘડપણની
આવ્યુ જીવન પૃથ્વી ઉપર માત-પિતા થકી બચપણ થી
કર્યા હતા અનેક હઠ અને કકળાટ બચપણમાં,
કર્યા એ પૂરા માત-પિતાએ તમને રીઝવવા બચપણમાં.
આવો કહુ વાત....
ભર્યા ડગ જુવાની ભણી, થયો સમય માત-પિતાનો ઘડપણનો,
આવ્યો સમય તેમનો કરવાનો હઠ અને કકળાટ નો.
આવો કહુ વાત....
ઘડપણમાં આવ્યુ બચપણ માત-પિતા નું,
એજ રીસાવાનું, કકળાટનું જે કરતા તમે બચપણનુું.
આવો કહુ વાત....
ઈચ્છાઓ આપણી પૂરી કરવા અછોવાનાં કર્યા બચપણમાં,
શું કરી શકીશું બચપણ સમી એમની ઈચ્છાઓ પૂરી ઘડપણમાં?
આવો કહુ વાત....
નથી ઉગામ્યો હાથ કે નથી ઉગામી લાકડી બચપણમાં,
બની શકીશું એમના હાથ અને લાકડી ઘડપણમાં?
આવો કહુ વાત....
રચયિતા : વાયોલેટ આર. ક્રિશ્ચિયન
ન્યુ મણિનગર
તા. ૨૦.૦૫.૨૦૨૧
સમય :૯.૫૭ pm
