નવા નવા મિત્રો બનાવવાની તો આદત છે મારી;
પણ જૂના મિત્રો એ મિત્રો નહીં ઇબાદત છે મારી;
હું તો થઈ ગયો છું કેદ તમારા પ્યારમાં એ દોસ્તોં,
તમારી લાગણીઓ એતો કરી હિરાસત છે મારી;
વસંત હોય કે પતઝડ, વૃક્ષની ડાળ ના છોડે સાથ,
યારોં તમારા પ્રત્યે કંઇક એવી મહોબ્બત છે મારી;
ડુબ્યા છે અત્યારે સૌ ખોટી જગતની ચોંકાચોંધમાં,
પણ, મિત્રોના દિલની ખુશી ખરી શોહરત છે મારી;
ચમન માં તો પુષ્પો રોજ ખીલીને મુરઝાઈ જાય છે,
તારા સ્નેહથી જ સીંચાય જીવન હકિકત છે મારી;
ભૂલ્યો લોહી સબંધે બાંધવાનું, માટે મિત્ર બનાવ્યા,
એટલે મિત્રતા સબંધોની કરવી હિફાજત છે મારી;
એક ક્ષણ પણ લાગે નથી લાયક તમારી મિત્રતાનો,
ગમે ત્યારે મારો હાથ છોડવાની ઇજાઝત છે મારી;
હું જીવનપર્યંત નથી છોડવાનો તમારો સાથ મિત્રો,
મારા હૃદયે તારી યાદોની બનાવી ઈમારત છે મારી;
દોસ્તારો વગર જીવવું નકામું છે જીવનમાં "વ્યોમ"
દોસ્ત મારી જિંદગી ને દોસ્ત જ કયામત છે મારી;
...✍️વિનોદ. મો. સોલંકી "વ્યોમ"
GETCO (GEB)
