શું તને પણ યાદ છે ?
રાતભર જાગીને કરેલી એ વાતો,
ને રાતોમાં જીવેલી એ યાદો,
શું તને પણ યાદ છે ?
પહેલી વાર મળેલી આપણી એ નજરો,
ને દિલમાં વધતી એ તેજ ધડકનો,
શું તને પણ યાદ છે ?
ચોરીછૂપીથી નજરો મિલાવવી,
ને શરમથી પછી પાંપણો ઝૂકાવવી,
શું તને પણ યાદ છે ?
મળવા માટે તારું એ રાહ જોવું,
ને મોડા આવ્યા પછી એ તારું એ ગુસ્સે થવું,
શું તને પણ યાદ છે ?
મળતાં પહેલાં શું બોલવું એ વિચારવું,
ને સામે આવતાં અચાનક ભૂલી જવું,
શું તને પણ યાદ છે ?
યાદોમાં એકમેકને જીવવા,
ને લગ્ન માટેનાં એ સ્વપ્નો સેવવા,
શું તને પણ યાદ છે ?
- ધવલ પુજારા 'શ્વેત'
