“સહદેવ”
ભવિષ્ય થી જ્ઞાત છું,છતાં પણ કેવો હતભાગ્ય છું,
ગુરુ દ્રોણ નો શિષ્ય છું, છતાં અતિ હતાશ છું..!!
સો ભાઈયો ના મૃત્યુ ને મૂક સાક્ષી બની જોઈ રહ્યો પણ,
મહાયુદ્ધ ને અટકાવી નહિ શકું, કેટલો નિરાશ છું..!!
ધર્મરાજ નો ભ્રાત છું,નારાયણ નો સંગાથ છું,
ભીતર ઉઠતાં ચિત્કારો ને વર્ણવી ના શકું કેટલો વિવશ છું..!!
રણભેદીઓ અને શંખનાદો હૃદય ચીરી જાય છે,
પાંચાલી ના અપમાન ની ઝાંખી થી હાડ થીજી જાય છે..
અભિમન્યુ ની સિદ્ધિ મારી છાતી ફુલાવી જાય છે,
પણ એ દૂધમલ ને બચાવી ના શકું,કેટલો હતાશ છું..!!
~અદ્વૈત
