Ehsaas❤
--------
Surkh laal jode me , na jane kitne logo se
ghiri , shamayi si baithi thi ki achanak
kaano me aawaz aayi... dulhan ko kamre me le jaao .....
kamra...
------
offfff ... is naam se hi jaise dil ne dhadkna shuru kiya ,
dheere dheere kadam chalne lagi , kitne hasi mazak ho rhe the mere sath , pr mujhe to jaise kuch sunai nhi de rha tha,
achanak se rajnigandha ki bhini bhini si khushbu se mehsoos hua ki shayad kamra aa gya ...
phoolon ki sej pr mujhe baitha ker sabne na jane kitni baar cheda pr aaj dil ko bura na laga sab chali gayi ..
socha ki ghoonghat utha ker kamra dekh lun ;
per kisi ke kadmo ki aahat kamre ke paas
aur jaise mere haath ruk gye ,
khud pr kabu pa hi rhi thi ki darwaze ka band hona ,
ye darwaza nhi jaise meri saanse hi band ho rhi thi , aaj kambakhat dil bhi itni tez dhadak raha jaise mujhse nhi unhi se baten kerna chahta ho ,
laal jode me aaj main aur bhi laal ho gyi thi...
jaise jaise wo paas aarhe the main jaise khud ko chupa rhi thi aaj mere chanchal nayan itne bhari ho rhe the ki uthana bhi mushikl ho rha tha ...
apne payal ko aur chupa liya maine , apne hi hatho ko zor se thame baithi thi ...lambi si ghoonghat ke bhitar daanton se apne hi hotho ko kaat rhi thi.....
abhi yakeen tha ki main hu ...pr mere hatho pr unka saparsh aur jaise ek sheesha sa andar hi toot gya ....
hayeeee.... ye sharam aaj jaise mujhe maar hi dalega ....
ye raat yahi ruk jaye bs tham si jaaun ..
ehsaas tha ki aaj chandani mujhe jalayegi zaror .
