કેટલું બધું સ્વચાલિત છે આ દુનિયામાં. મશીન, રોબોટ, કાર, કમ્પ્યૂટર, ટીવી, ......યાદી ઘણી લાંબી છે. આ બધું બનાવ્યું કોણે? એક માનવીએ જ ને? તો પછી કેમ એનાં મન પર એનો કાબુ નથી? શા માટે બીજાનું દોરવાયું દોરવાઈ જાય છે? શા માટે પોતાનો આત્મવિશ્વાસ ગુમાવી બીજા કહે તેમ કરે છે? શા માટે પોતાની આંતરિક શક્તિઓ અને પોતાનામાં છુપાયેલ કૌશલ્યને એ ઓળખી શકતો નથી? શું એ પોતાનાં મનને સ્વચાલિત નથી બનાવી શકે એમ? શું માનવી માત્ર સ્વચાલિત સાધનો જ બનાવી શકે છે? એ પણ માત્ર ભૌતિક સુખ સગવડ ભોગવવા? શું સ્વચાલિત મન રાખીને પોતે નિજાનંદમાં મસ્ત ન રહી શકે? પોતાને ગમે તે કરવું, પોતે જે યોગ્ય લાગે એ જ સમજવું, કોઈ શું કરે છે એની પરવા ન કરવી, આ બધું પણ થવું જોઈએ ને?
#સ્વચાલિત
