મુજને રે નથી અભિમાન
કુદરતનું છે વરદાન
સુખ દુઃખના સૌ સંગાથી
વિધિનું છે લખાણ
તાપ છાયો આવ્યા કરે
વિચલીત ના કર તન
કરેલા કર્મોનું છે ફળ
દુઃખી ના કર મન
ઉડાય એટલું ઉડજે
છેલ્લે ધરતીનો છે સંગ
રે મનુષ્ય સુખથી રહેજે
કાયાનો નથી કોઈ રંગ
માટીનું છે આ મડદું
મનમાં રાખીશ ના કોઈ રંજ
મનથી મુક્ત થઈ જા
પૂર્ણ બનશે આ મરણ
વધારે કાંઈ લખવું નથી
અંતિમ છે આ ક્ષણ
પારકું સમજી છોડી દે
આવે નહીં કોઈ તારી સંગ
~HD
