#વાસ્તવિક ....
'સારું લાગવું' એ નશા કરતાં ખરાબ છે, કારણ કે નશાને તો આપણે ખરાબની કેટેગરીમાં મુક્યો છે, પણ 'સારું લાગવાને' આપણે એટલું બધું સકારાત્મક બનાવી દીધું છે કે આપણે ક્યારેય પ્રશ્ન નથી કરતા નિરંતર સારું ફીલ કરતા રહેવું ખરેખર વાસ્તવિક અને વ્યવહારુ છે? આપણે સવારથી લઈને રાત સુધી અને ભોગથી લઈને યોગ સુધી સતત સારી ફીલિંગનાં ઇન્જેક્શન લેતા રહીએ છીએ. થોડો વખત એની કિક રહે છે, અને પાછા આપણે ડિપ્રેસ થઈ જઈએ છીએ, એટલે ફરી પાછો એક ડોઝ શોધીએ છીએ. 'સારું ફીલ' કરતા રહેવું એ પોતે જ નકારાત્મક અનુભવ છે. તમે 'સારું ફીલ' કરવા માટે જેટલા વધુ પ્રયાસ કરો, એટલો જ તેનો અસંતોષ વધુ મજબૂત થાય છે, કારણ કે તમારા પ્રયાસો જ એ વાતની સાબિતી છે કે તમને સારું નથી લાગતું.
