તું મને દિલના ધબકારમાં મળજે.
તું મને નૈનની અશ્રુધારમાં મળજે.

નહીં સહેવાય વૈભવ વસંતનો કદી,
તું મને પાનખર તણા પ્રહારમાં મળજે.

શક્ય ન પણ બને મુલાકાત આ જન્મે,
તું મને આવતા કોઇ અવતારમાં મળજે.

પ્રતિક્ષાથી કંટાળનારો હું છું જ નહીં,
તું મને લાગણી પૂરબહારમાં મળજે.

ઝંઝાવાતી છું થોડાથી ના રીઝનારો હું,
તું મને ષોડશી બની સિંગારમાં મળજે.

ચૈતન્ય જોષી. ' દીપક ' પોરબંદર.

Gujarati Romance by Chaitanya Joshi : 111441897

The best sellers write on Matrubharti, do you?

Start Writing Now