યાદ આવે છે..........!!!!!
ભૂલકાઓ ને જોઇને બાળપણ યાદ આવે છે.
એ યાદો જોને કંઈક ભૂતકાળ લઇ આવે છે.
હર્યા ભર્યા ઘરમાં પા-પા પગલી કરતા,
મમ્મીનુ તો ઠીક પણ પપ્પાથી બહુ ડરતા.
સમી સાંજના સમણા જોને પાસ આવે છે,
ભૂલકાઓને જોઇ બાળપણ યાદ આવે છે.
ભમરડા 'ને લઇ લખોટી, ગીલ્લીદંડે રમતા.
સાંજનુ ભોજન સૌએ સાથે બેસી જમતા,
વાયુવમળની સાથે સ્મૃતિમાં કંઈ નામ આવે છે.
આ ભૂલકાઓને જોઇ બાળપણ યાદ આવે છે.
ભર બપોરે ન્હાવા જતા, તળાવ, નદી,દરિયે.
આંબા વડલા ડાળે રમતા, ભમતા ગલીએ-ગલીએ.
"નિસરૂ જો એ ગલી માયે તો હજુ "દોસ્તોના"સાદ આવે છે.
માહી,ભૂલકાઓને જોઈ બાળપણ યાદ આવે છે.!!!
[માહી બાવળિયા]
