જોઈ વિચારી જ ભર્યું હતું પગલું તારા પ્રેમના પથમાં આગળ વધવા,
હતી ખબર મને આવશે ઘણી મુશ્કેલીઓ, આપણા પ્રેમને અવરોધવા,
વિતાવવી પડશે ઉજાગરે ઘણી રાતો એની જ રાહ જોવામાં,
યાદો હશે ઘણી, પણ એ નહિ હોય, દિવસો વિતાવવા પડશે, તસવીર એની જોવામાં,
ક્યારે થશે કોઈ વાતે તકરાર, તો એના ગુસ્સાને પણ સહેવો પડશે,
મૂકીને આ જાતનું અભિમાન, મનાવવા એને, ઉઠક બેઠક પણ કરવી પડશે,
મંજુર હતું સઘળું મને, એટલે જ તો આપ્યું હતું વચન તને,
ભૂલી જઈશ આ જાતને, નિભાવીશ બસ તારા જ પ્રેમને !!
મળ્યા પછી તને એટલું તો મને સમજાયું છે,
તું જ વિશ્વાસ અને પ્રેમનું બીજું નામ છે !!!
તારા માટે આ જાત, આ જનમ જ નહીં,
જનમો જનમ પણ વિતાવવા પડે તો અફસોસ નથી !!
બસ તારા પ્રેમના પથ ઉપર ભરેલું આ પગલું, મંજિલ સુધી પહોંચી જાય,
તું ઉભી હોય સામે બે હાથ ખોલીને, અને આ જાત આખી તુજમાં સમાઈ જાય !!!
#કેપ્ટન @શ્યામ
#પગલું
