https://youtu.be/8wcZKtgxI64
👆Poem Written by Shree Narendra Modiji ..Sung & composed by Me (Krupa Thakkar)..
પૃથ્વી આ રમ્ય છે
આંખ આ ધન્ય છે.
લીલાછમ ઘાસ પર તડકો ઢોળાય અહીં
તડકાને કેમે કરી ઝાલ્યો ઝલાય નહીં.
વ્યોમ તો ભવ્ય છે....
ને પૃથ્વી આ રમ્ય છે.
આભમાં મેઘધનુષ મ્હોરતું, ફોરતું.
હવામાં રંગનાં વર્તુળો દોરતું.
કિયા ભવનું પુણ્ય છે ?!
જિંદગી ધન્ય છે, ધન્ય છે....
સમુદ્ર આ ઉછળે સાવ ઉંચે આભમાં,
કોણ જાણે શું ભર્યું છે વાદળોના ગાભમાં!
સભર આ શૂન્ય છે.
પૃથ્વી આ રમ્ય છે.
માનવીના મેળા સાથે મેળ આ મળતો રહ્યો.
અન્યના સંગાથમાં હું મને કળતો રહ્યો.
આ બધું અનન્ય છે.
ને કૈંક તો અગમ્ય છે.
પૃથ્વી આ રમ્ય છે
આંખ આ ધન્ય છે...ધન્ય છે...ધન્ય છે ..
પૃથ્વી મારી રમ્ય છે.
લેખન - શ્રી નરેન્દ્ર મોદીજી
