પ્રેમ કરુ છું
*----------------* પ્રેમની પરિભાષા વ્યક્તિ વ્યક્તિએ અલગ અલગ,
અવ્યક્ત મુક અભિવ્યક્તિની પરિભાષા એ જ પ્રેમ...!!!
સ્રી અંગેની કવિતાઓમાં પ્રેમની અભિવ્યક્તિ માં, શ્રિંગારરસ શોધાય, એના અંગો ,ઉપાંગો ને શરીરના ઉભાર વિષેની પંક્તિ લખાય...,
પરંતુ એની હોશિયારી સમર્પણ અને કુંટુંબ કૌશલ્યને હાંશિયામાં ધકેલાય....અને
એટલે જ હું સમગ્ર સ્ત્રી જાતની સમજદારી ને
*પ્રેમ કરુ છું* ....!
સવારથી સાંજ,બળબળતી બપોર કે હૉંડ થિજાવતી ટૉંઢ, એમા રોપેલી મહેનત ઉગી નિકળશે કે બરબાદ જશે!!?
એ ખબર ન હોવાં છતા સમગ્ર માનવજાતને માટે અન્ન ઉગાડનાર એ અન્નદાતા, ખેડુતને હું
*પ્રેમ કરુ છું*...!!!
જ્યાં ત્યાં થુંકવું, ગમે ત્યાં કચરો કરવો, ભ્રષ્ટાચાર,જાતિવાદ, અનૈતિક આંદોલનો અને દેશ વિરોધી તાકતોનો વિરોધ કરુ છું. કારણકે ,હું મારા દેશને ,
*પ્રેમ કરુ છું*...!!!
દેશ માટે સેવા આપનાર સૈનિક કે જેને ખબર નથી કે યુધ્ધ પછી એની લાશ આખી હશે કે ટુકડામાં,
દેશપ્રેમ ખાતર ફના થનાર દરેક જવાનને *પ્રેમ કરૂ છું*...!!!
અહો રૂપમ !
અહો ધ્વનિ !
સમુદ્ર, નદીયો, ઝરણાં, પર્વતો,ધરતી,આકાશ,સુર્ય,ચંદ્ર,તારા ,
નક્ષત્રો, પંખીના કલરવ,મેઘધનુશ બીજુ ઘણુ બધુ,
અવર્ણનીય,અપ્રતિમઅદ્ભુત....!!! કુદરતના આ અફાટ સૌંદર્યને ,
*પ્રેમ કરુ છું*
મારા બાળકો માટે મારો પ્રેમ થોરના ફિંડલા જેવો,
દેખાય કાંટાંળો, પરંતુ નિવડે ગુણકારી,
એથી જ દેવના દિધેલ મારા બાળકોને ,
*પ્રેમ કરુ છું* ...!!!
ટોમ ને જેરી જેવી જોડીઅમારી,
એકબીજાને ચિડવતા,ઝગડતા રિસાવતા ને મનાવતા,
તોય એકબીજા વગર લગીરેય ન રહી શકતા,એવા મારા સખા સરીખા, પતિને
*પ્રેમ કરુ છું*...!!!
સર્વવ્યાપી,સર્વશક્તિમાન,નિરાકાર, પરબ્રંહ્મ કે જેમણે દરેક સજીવને પોતાની આગવી શક્તિ સાથે આ પ્રૃથ્વિ પર જન્મ પ્રદાન કર્યો એવા પરમક્રૃપાળુ પરમાત્માને ,
*પ્રેમ કરુ છું*...!!!
અને છેલ્લે,
મારા માહ્યલામાં જે આતમ મને સારા નરસાનો ભેદ બતાડતો,મારો મદદગાર,મારો આત્મવિશ્વાસ વધારતો,મારા હોવાપણાનો અહેસાસ કરાવતો,મારા અસ્તિત્વનો હુંકાર
એવી,
મારી જાતને - મને ,
*પ્રેમ કરુ છું*...!!!
-ઋતંભરા વિશ્વજીત
*ઋત્વિશ્વ*
