Haan mujhe bhi Hasana hai
Chodh udaasee kaa aalaam yeh,
mujhe bhi hasana mehekna hai,
Langdee, phugadi, chupan chupaai khel ke,
Gujara waqt phir jeena hai .
Ghoor andhiyaaree ke pardee ko,
cheer ke yeh pal jeena hai,
baagh bageechee mein jaakar phir,
titliyoon ke saath khelna hai.
Ahankaar, ghamand ko taj ke,
Masumiyat mein jeenaa hai,
Tod aadambar kee deewaron ko,
Bachhon jaise hasnaa hai.
Ek din woh phir aayegaa,
Har budha baccha ban jayegaa,
Bacchon jaise prakrutee se,
Har jeev muskurayega.
Apne andar ke bacche ke,
Khul ke bahaar aanee do,
Jhooth aur bhulaave ke,
aapne jeevan se vidaa karo.
