આજનો વર્તમાન આવતી કાલે ભૂતકાળ બનશે,
આજનો વસમો સમય કેમ કરીને કોઈ ભૂલશે?
આપણા જીવનનો આનંદ માણીએ કે બીજાના મૃત્યુનું દુઃખ,
આ બધાની આગળ વામણા લાગે બધા સુખ.
કોઈએ ખોયા છે સ્વજન,મિત્ર, કોઈએ ખોયો પ્રેમ,
કેમ કરીને પાર પડશે આ જીવનચક્ર હેમખેમ?
હજી કેટલા કાળા પાના બાકી છે ઉથલવવાનાં?
હે હરિ ,સામે જો,પામર માનવી કરે ધમપછાડા જીવવાના.
બસ ઈશ્વર ,બહુ થયું માનવીએ જાણી પોતાની ભૂલ,
રોક, નહિ તો રહી જશે હૃદયમાં આ સમય બનીને શૂળ.
આજનો વર્તમાન આવતીકાલે ભૂતકાળ બનશે,
આજનો વસમો સમય કેમ કરીને નિમિકા ભૂલશે?
#ભૂતકાળ
