*પરિવાર સાથે*
👩👩👧👧👨👨👧👧👨👩👦👦👨👩👧👦👩👩👧👦
જ્યારે સ્વાસ્થ્ય સારૂ હોય ત્યારે રોજ રવિવાર,
પણ, મંદવાડ આવે ત્યારે તરત યાદ આવે પરિવાર...!
સહજ લાગતો મંદવાડ તો
*પરિવાર સાથે*...!
ઈંટ ને રેતીથી બને મકાન ,પણ
મકાન રહેવાલાયક ઘર બને તો
*પરિવાર સાથે*...!
મકાન વસાવવાનો આનંદ તો ભરપુર,
પણ અવિરત લાગણીઓનું ઘોડાપુર તો,
*પરિવાર સાથે*...!
કમાયેલ રૂપિયો ને મિલ્કત બહુ ગમે,
પણ,ખર્ચવાની મઝા તો કઈં ઓર જ
*પરિવાર સાથે*...!
જોબ પર ,'બોસ ઈઝ ઓલ્વેઝ રાઈટ' ,
પણ ઘરે સંબંધોમાં બધાની હવા 'ટાઈટ', તો
*પરિવાર સાથે*...!
જીંદગીએ મુંગી પાઠશાળા પણ,
જતું કરવાનો કે સહિષ્ણુતાનો ખરો આનંદ તો,
*પરિવાર સાથે*...!
સ્વતંત્રતા ને સ્વછંદતા સૌ ને પ્રિય , પણ
ઉત્સવો ઉજવણીનો ખરો આનંદ તો,
*પરિવાર સાથે*....!
અઘરૂ થઈ પડે બધું સહન કરવું એકલા,
પણ સહનશીલતા
બનતી સરળ ,તો
*પરિવાર સાથે*...!
એકબીજાને આપવાની ભાવના તો હોય સૌ કોઈ માટે,
પણ સંવાદિતાની સુંગંધ તો ,
*પરિવાર સાથે*....!
ગૃહજીવન બને
ધન્ય મંગલ,પણ
ખરો આનંદ પ્રભુ પ્રાર્થનાનો તો ,
*પરિવાર સાથે*...!
પ્રેમનું તો સહુ ને સગપણ,
પણ અમાપ સ્નેહનું નિરૂપણ, તો
*પરિવાર સાથે*....!
દિવસ આખો ભાગાદોડી,
ધમ્મપછાડા,પણ
અસીમ શાંતિ,નિરાંત ને હાશ...! તો
*પરિવાર સાથે*....!
સૌની જીવનયાત્રા રહે અવિરત , પણ
પણ હું લેવા ચાહુ છેલ્લા મારા શ્વાસ, તો
*પરિવાર સાથે* હોય ત્યારે...!
ઋતંભરા વિશ્વજીત
*ઋત્વિશ્વ*
*પરિવાર સાથે સમય વિતાવો એજ છેવટનો વિકલ્પ છે*.
