જિંદગીની સિરીયલમાં બ્રેક ના હોય
મોતનાં લાસ્ટ સીનમાં રિટેક ના હોય
ગુજરાતી અને ઘોડા વચ્ચે ફેર તું સમજ
અમારામાં બુદ્ધિ હોય સિક્સ પેક ના હોય
ખાવા હોય તો ખા, આ લાડવા પડ્યા છે
છૂટાછેડાની એનિવર્સરી પર કેક ના હોય
પીઠનાં દુખાવાના તું બીજા ઈલાજ શોધ
પ્રેમની ઉષ્માનાં આમ કંઈ શેક ના હોય
આપવું હોય તો રોકડું આપ અત્યારે જ
ચુંબનના કાંઈ પોસ્ટ ડેટેડ ચેક ના હોય
એક જ ચોપડામાં બધાં હિસાબો રાખે છે
ચિત્રગુપ્તને ત્યાં વ્હાઈટને બ્લેક ના હોય
ચોરેલું દિલ તમારું લો તમને પાછુ સોંપ્યું
બધા બંદા કાંઈ અમારા જેટલા નેક ના હોય
