#ચેતવણી
#સાવધાન
#સુગિયા લોકો દૂર રહે આ પોસ્ટ થી
આ બાબત પહેલાં પણ હું મારો આક્રોશ ઠલવી ચૂકી છું. ખબર નથી હજી કેટલી વખત ઠલવીશ. ક્યારે આપણા સમાજમાં સેક્સ માટે ની સુગ દૂર થશે, ક્યારે લોકો પીરીયડ, કોન્ડોમ કે કોઈ પણ ગર્ભનિરોધક પદ્ધતિ વિશે ખૂલી ને ચર્ચા કરશે. ક્યારે સેક્સ એજ્યુકેશન માં સ્થાન પામશે. અત્યારે તો આપણી શિક્ષણ પધ્ધતિ પર ગુસ્સો આવે છે સાથે અત્યારે ભણતા બાળકો પર દયા આવે છે. અધૂરો ઘડો છલકાય અત્યારે બાળકોની એવી જ પરિસ્થતિ છે. આપણે સારૂ હતું કે અમુક વાતો ભણવામાં જ ન આવતી જ્યારે અત્યારે તો ભણવામાં આવે છે પણ ભણાવવામાં નથી આવતું. કોન્ડોમ હોય કોપર ટી હોય , રીપ્રોડકટિવ સિસ્ટમ હોય કે સેક્સ હોય કંઈ જ આપણને તો ખાસ કંઈ સમજાતું નહી એને ઘણી વાત તો લગ્ન પછી સમજણમાં આવી. આ જ બધી વસ્તુ અત્યારના ભણવામાં આવે છે પણ શાળામાં અપાતું અધૂરું જ્ઞાન એમને વધુ મુંઝવણમાં મૂકે છે. ઉદાહરણ રૂપે ગઈ કાલે મારા પોતાના અનુભવની જ વાત કરું મારા પીરીયડ નજીક આવી રહ્યા છે અને મને એ તકલીફ બહુ તકલીફ આપે છે તો મેં એમ જ ઘરમાં કીધું કે મને નથી થવું પીરીયડમાં હવે શું કામનું? તરત અર્ક બોલ્યો કે કોપર ટી મુકાવી દયો ને, મેં પૂછ્યું તો એને કોપર ટી શું કામ આવે એ ખબર જ નોતી. કોન્ડોમનો ઉપયોગ ક્યાં થાય એ ખબર છે પણ શું કામ અને કેવી રીતે એ ખ્યાલ જ નથી. બાળક કઈ રીતે થાય પુરુષ સ્ત્રીની અલગ અલગ શરીર રચના કઈ રીતે એક થઈ ને બાળક નો અંશ આવે પણ કંઈ જ ખબર ન હતી. પછી એના પ્રશ્નો ના જવાબ અમે તો આપ્યા જ કારણ શાળામાં આપેલ અધૂરું જ્ઞાન એને તકલીફ ન આપવું જોઈએ.
આ જ્ઞાન શાળામાં કેમ નહીં અપાતું હોય સ્ત્રી શિક્ષક હોય ઍટલે અચકાતા હોય ? કે વિદ્યાર્થી માં છોકરો એને છોકરી સાથે હોય એટલી અચકાતા હોય? કારણ શું હોય શકે કે કોપર ટી ખબર છે પણ શું કામ કરે એ નથી ખબર. કોન્ડોમ નો ઉપયોગ જેમ થાય તે ખબર નથી પણ કોન્ડોમ શબ્દ ખ્યાલ છે સેક્સ થી બાળક થાય ખબર છે પણ સેક્સ એજ્યુકેશન અપાતું નથી. આઈવીએફ ખબર છે. કુદરત ની રચના છે તેનાં થી અજાણ છે. શું ઉત્સુકતા વધતી રહે તો બાળકોમાં અરાજકતા ફેલાવા ની શક્યતા ન રહે? એક વાલી તરીકે ચિંતિત છું (#માતંગી )
