વિમો.....(લઘુવાર્તા)
------------------------------------------------------------------------
ને જ્યારે તેનો પતિ ટ્રક અકસ્માતમાં મૃત્યુ પામ્યો ત્યારે તે માથું પટકી ને ખૂબ જ રડી......
સગાવ્હાલાઓએ ખૂબ ખૂબ આશ્વાસન આપ્યા. એક મહિના પછી તેના રૂમની કોલબેલ ગુંજી ઉઠી.
તેણે દરવાજો ખોલ્યો.
સામે કોઈ પડછંદ પુરુષ ઉભો હતો.
"આપણો હિસાબ???" પુરુષ બોલ્યો.
તે કશું ન બોલી, ચૂપચાપ તિજોરીમાંથી રૂપિયા 15 હજાર કાઢી તેની સામે ધરી દીધા.
" 15 થી કામ નહીં ચાલે. મને પાછળથી ખબર પડી કે તમારા પતિને એક લાખ રૂપિયાનો વીમો હતો." પેલો
પડછંદ પુરુષ બોલ્યો કે જે ટ્રક ડ્રાઇવર હતો.
*****
દિનેશ પરમાર" નજર" ( લખ્યા તા. મે 1982)
