? ઈશ્વરના હાથનું છેલ્લું સર્જન કદાચ માનવ હશે . જે પોતાની તમામ અભિવ્યક્તિ લઈને જન્મો છે . પોતાને બોલવું , વિચારવું , ખાવું , પીવું કે પોતાના સપના પુરા કરવાની જો કોઈ જીવમ ક્ષમતા હોઈ તો તે મારા અંદાજ થી માણસ છે . જે પોતાનું ધાર્યું કરી શકે છે .
માનવ પોતાના મગજના ખેડાણ થી આજે અંતરિક્ષમાં પોતાનું ડાહીત્વ નોંધાવી ચુક્યા છે . સાથે ઈર્ષા અને સ્વાર્થના મૂળ પણ ઊંડે સુધી નાખી ચુક્યો છે . હું અહી લખું છું એ મારો સ્વાર્થ એ પણ સ્વીકારું છું . બધાને બુધ્ધિ આપી છે પણ એનો કઈ રીતે ઉપયોગ કરવો એ આપણા પર નિર્ભર કરે છે .
પોતાના અનુભવ કે જીવનના કોઈ પ્રસંગનું લખાણ અહીં કરવામાં આવે છે . એ કવિતા , લેખ કે વાર્તારૂપ કેમ ન હોઈ . એ માનવ મનનું ખેડાણ છે . જ્યારે એ લખતા માણસ કેટલો ખુશ હશે કે કેટલો ધ્રુજયો હશે . એનો અહેસાસ કદાચ વાંચનકરતા ને ખૂબ ઓછો થતો હોય છે . જ્યારે પોતાની મહેનતથી લખેલું કોઈ બીજા માણસ પોતાના નામ નીચે લઈલે ત્યારે ક્રોધ આવવો કે દુઃખી થવું સ્વાભાવિક છે .
અત્યારે અપડેટ જમાનામાં ફાસ્ટ બધું જોઈએ છે . લોકપ્રિયતા પણ ફાસ્ટ જોઈએ છે . એ માટે માણસ કોઈપણ હદ સુધી જઈ શકે છે . અનેક સાથે અન્યાય કરી એ માણસ ઉંચા સ્ટેજ પર પહોંચે છે ત્યારે આ આંધળી પ્રજાને ફક્ત એ માણસનું સ્ટેજ જ દેખાય છે . એ માણસ કેટલાને કચડીને ત્યાં પહોંચ્યો તેનો ખ્યાલ નથી હોતો .
અત્યારે હું આ લેખ લખું છું આને પોસ્ટ કરતા જ કોપી કરો બીજા કોઈને નામે થઈ જવાનો છે . એ વાત હું જાણું છું . પણ લખવાની આદતથી મજબુર છું . સવારે એક પ્રેમનો લેખ અપલોડ કર્યો ત્યારે મારા એક મિત્રએ મને કહ્યું કે ભાઈ એક કલાકમાં માત્ર આઠ જ લાઈક આવી છે . એ ભાઈની વાત સાચી હતી . પણ અહીં લોકોના માનસિક લેવલ એ નથી રહ્યા કે સારા અને નરસનો ભેદ કરી શકે .
કુદરતે આપેલ ભવ્ય મગજની કિંમત કોઈ જ નથી આજે . માણસ. ને તૈયાર કરી ને આપી ત્યારે એવું કહે છે કે એ તમામ કોળિયા પર મારુ જ નામ હોવું જોઈએ . પોતાની બુદ્ધિનો ઉપયોગ કરી કૈક નવું સર્જન કરવાની વૃત્તિ નથી રાખતો . થોડા વરસમાં ઘણા લેખકો અને કવિ એફબીમાં આવ્યા છે . એટલા જ એફબીમાં કોપી પેસ્ટીયા પણ ઘુસી ગયા છે . જે કોઈ કાઈ લખે અને એની કોપી કરી પોતાના નામનો દસ્તાવેજ કરી બેસી જવું એવી જ ફિરાકમાં છે .
તો એ બુદ્ધિના પડીકાઓ કુદરતના અમૂલ્ય સર્જનને આમ મિથ્યા ન જવું દ્યો . મગજનો ઉપયોગ કરી માણસની યોગ્યતા તપાસી એને પ્રોત્સાહિત કરો . એવું ના કરી શકો તો વાંધો નથી . પોસ્ટ બઠાવી લેવાના નુસ્ખા બંધ કરો .
?મારી નજરે ફેસબૂક?
✍️મનોજ સંતોકી માનસ✍️
