બસ એક કારણ આપી દે
આપણી એ પહેલી મુલાકાત મને યાદ છે,
ત્યારે થયેલી વાતો પણ યાદ છે અને,
ત્યારબાદ વાતોનો શરૂ થયેલ સિલસિલો પણ યાદ છે,
બસ એક કારણ આપી દે એ વાતોને ભૂલવા માટે
દિવસના અંતમાં આપણું મળવુ મને યાદ છે,
દરરોજ મળિયે છતાંય પહેલીવાર જેવો અનુભવ મને યાદ છે,
છૂટા પડતા સમયે ફરી મળવાનો વાયદો કરવો એ પણ યાદ છે,
બસ એક કારણ આપી દે એ મુલાકાતોને ભૂલવા માટે
દરરોજ સાથે જમવાનો સિલસિલો મને યાદ છે,
તને જમાડીને મળતી એ ખુશી મને યાદ છે,
તને આમ જ જમતા જોતા રહેવાનો એ અનુભવ પણ મને યાદ છે,
બસ એક કારણ આપી દે એ જમવાના સમયને ભૂલવા માટે
કોઇ કારણ વિના બસ તારી સાથે ફરતા રહેવું મને યાદ છે,
જાણે મંજિલ વિનાની રાહ પર ચાલવું મને યાદ છે,
તારી સાથે આમ જ દિવસ-રાત ફરતા રહેવું મને યાદ છે,
બસ એક કારણ આપી દે એ રસ્તાઓને ભૂલવા માટે
વરસાદમાં તારી સાથે પલળવું મને યાદ છે,
બાલ્કનીમાં બેઠા હોય ત્યારે આવતી વાછોટ મને યાદ છે,
એ ભીના મોસમમાં પીધેલી કૉફી મને યાદ છે,
બસ એક કારણ આપી દે એ ભીનાશને ભૂલવા માટે
તારા ખભે માથુ ઢાળી વીતાવેલી દરેક સાંજ મને યાથ છે,
દુનિયા ભૂલી તારામાં ખોવાઇ જવું મને યાદ છે અને,
આમ જ તારી બાહોમાં સુતા રહેવું મને યાદ છે,
બસ એક કારણ આપી દે એ સાંજને ભૂલવા માટે
મારી માટે તારા મનમાં જે પણ લાગણીઓ છે એ મને યાદ છે,
ના કહેવા છતાં મારી માટે ઘણું બધું કરવું એ મને યાદ છે,
હું બધું નથી પણ ઘણું છું તારા માટે તારુ એવું કહેવું મને યાદ છે,
બસ એક કારણ આપી દે એ તારી યાદોને ભુલવા માટે
તારુ મારાથી નારાજ થવું મને યાદ છે,
વધારે સમય મારાથી નારાજ ના રહી શકવું એ પણ મને યાદ છે,
મને ગુસ્સામાં પણ તારુ હસાવવું મને યાદ છે,
બસ એક કારણ આપી દે હવે હસવા માટે
ઈચ્છા ના હોવા છતાં તને પ્રેમ કરવો મને યાદ છે,
મારો જ પોતાના મન પર મારો કાબૂ ના હોવો મને યાદ છે,
દરેક પળે તને જ યાદ કરતા રહેવું મને યાદ છે,
બસ એક કારણ આપી દે હવે તને પ્રેમ ના કરવા માટે
- by shywriter (Kinjal Patel)
