રવિવાર ની રમૂજ (ઓનલાઈન થા)

ચાલ ભેરૂ કામ છોડી ઓનલાઇન થા!
દે પુરાવો ફોન જોડી ઓનલાઇન થા !

લાવ સર્વે આંકડા ને માહિતી પણ છે,
વેશ ઝાઝા રાત થોડી ઓનલાઇન થા !

ચાલશે ના નેટ નાં બ્હાનાં જરા પણ જો !,
ખોરડે ચડ મેલ ઘોડી ઓનલાઇન થા!

સાવ અમથું ચૂંથવું શું ‌ચોપડી માં તો ?
ચોપડી તું મેલ છોડી ઓનલાઇન થા !

બાર હમણાં વાગશે સરજી ગરમ થાશે ,
મેલ પૂળો ઊઠ દોડી ઓનલાઇન થા.

વાત ભણતરની પછી કરજે નિરાંતે જા ,
સાંભળીશું કાલ મોડી ઓનલાઇન થા.

નામ તારે આળ ચડશે કામચોરી નું ,
સાવ કરશે મૂલ કોડી ઓનલાઇન થા.

ચાલશે ના ફોન જૂનો નેટ વગર નો છે,
નાખ મોબાઇલ તોડી ઓનલાઇન થા .
દાજીના ડાયરામાંથી સાભાર.

Gujarati Poem by Rinku Panchal : 111230530

The best sellers write on Matrubharti, do you?

Start Writing Now