काहे को ब्याहे बिदेस
अरे लखिया बाबुल मोरे काहे को ब्याहे बिदेस
भैय्या को दियो बाबुल महले दो-महले
हम को दियो परदेस अरे लखिया बाबुल मोरे
काहे को ब्याहे बिदेस
हम तो बाबुल तोरे खूंटे की गय्याँ
जित हाँके हँक जाएँ अरे लखिया बाबुल मोरे
काहे को ब्याहे बिदेस
हम तो बाबुल तोरे बेले की कलियाँ
घर-घर माँगे हैं जाएँ अरे लखिया बाबुल मोरे
काहे को ब्याहे बिदेस
कोठे तले से पलकिया जो निकली
बेरिन ने खाई पछाड़ अरे लखिया बाबुल मोरे
काहे को ब्याहे बिदेस
हम तो हैं बाबुल तोरे पिंजरे की चिड़ियाँ
भोर भये उड़ जाएँ अरे लखिया बाबुल मोरे
काहे को ब्याहे बिदेस
तारों भरी मैं ने गुड़िया जो छोड़ी
छूटा सहेली का साथ अरे लखिया बाबुल मोरे
काहे को ब्याहे बिदेस
डोली का पर्द: उठा के जो देखा
आया पिया का देस अरे लखिया बाबुल मोरे
काहे को ब्याहे बिदेस
अरे लखिया बाबुल मोरे
काहे को ब्याहे बिदेस अरे लखिया बाबुल मोरे
अगली
