*મન...*

રમાઈ ગઈ હોય રમત જો તમારી તો કહી દેજો,
રમતાં રમતાં મન ધરાઈ ગયું હોય તો કહી દેજો.

થોડું તૂટ્યું છે, થોડું વધુ, દીલ જ છે ને એમાં શું ?
છે બેઠાં અહીં જ, મન હોય હજી તો કહી દેજો.

લૂંટાવી બેઠાં સાગર અમે, આંસુની શું વિસાત ?
આદત છે દર્દની ! દેવુ હોય હજી તો કહી દેજો.

હાં ! નથી લગાવ્યા મોલ કોઈ અમે તો વફાના,
પણ દામ જો બેવફાઈના દેવા હોય તો કહી દેજો.

ખુશ છો ને, કે હજી કંઇક બાકી રહી ગયું છે?
જોજો કંઇક અધૂરું રહી ના જાય, કહી દેજો !

*મિલન લાડ. વલસાડ. કિલ્લા પારડી.*

Gujarati Good Morning by Milan : 111166019

The best sellers write on Matrubharti, do you?

Start Writing Now