काव्योत्सव-२

#जीवन /भावना


एक कोपरा मनाचा
हळवा तुझ्याचसाठी
एक कोपरा आकाशाचा
आतुर चंद्रबिंबासाठी!
एक कोपरा अंगणाचा...
बहरलेल्या मोगर्‍यासाठी!
एक कोपरा रस्त्यावरचा
हक्काच्या गप्पांसाठी!
एक कोपरा शेतामधला
चिमणचारा टिपण्यासाठी!
एक कोपरा सागराचा
लाटेला थबकण्यासाठी!
एक कोपरा भग्न भिंतीत
पिंपळफांदी सावरण्यासाठी!
एक कोपरा वर्तमानाचा
भूत भविष्य जोडण्यासाठी!
एक कोपरा कागदावरचा
कवितेखालील चित्रासाठी!!

Marathi Poem by Aaryaa Joshi : 111164976

The best sellers write on Matrubharti, do you?

Start Writing Now