#kavyotsav

એક બહાનું આપીશ ?
- જૈમીન ધામેચા

લાગણી વિખેરવાનું એક બહાનું આપીશ ?
પાંપણો ઝૂકાવવાનું એક બહાનું આપીશ ?

હોઠોને ફફડવાનું પણ હવે ક્યાં યાદ રહે છે,
શબ્દો વચ્ચે રહેવાનું એક બહાનું આપીશ ?

કશું ક્યાં ઊગ્યું છે તારાં ચાલી ગયાં પછી,
હૂંફનો છોડ રોપવાનું એક બહાનું આપીશ ?

શ્વાસોય જો ને, ઉછીનાં લઈને જ જીવું છું,
છેલ્લી ક્ષણ ખરીદવાનું એક બહાનું આપીશ ?

ચલ, નહીં લઉં મારાં કુદરતનું નામ ક્યારેય,
છેલ્લી ઈબાદત કરવાનું એક બહાનું આપીશ ?

Gujarati Poem by Jaimeen Dhamecha : 111160372

The best sellers write on Matrubharti, do you?

Start Writing Now