ఓ మగువ.. ఏది నీ స్థానం..
తల్లి పెంపకంలోనా.. తండ్రి బాధ్యతలోనా..
మౌనపు కోరికల మధ్యనా..
ఓ మగువ..
అత్తగారి సాధింపుల్లోనా..ఆడపడుచు ఆరాటాల్లోనా..
మగని మనసులోనా..కన్న బిడ్డ ఎదురు చూపుల్లోనా..
ఓ మగువ..
ఆగిపోయిన నడకల్లోనా..చెరబడిన గమ్యాల్లోనా..
కరిగిపోయిన కలల్లోనా.. విరిగిపోయిన నవ్వుల్లోనా..
బానిసైన వంట గదిలోనా..
ఓ మగువ..
అడిగే ప్రతి ప్రశ్నలోనా..చేజారే ప్రతి నిశ్శబ్దంలోనా..
కన్నీళ్లలో కొట్టుమిట్టాడే.. జీవితంలోనా..
ఓ మగువ
అధికారం లేని నిర్ణయాల్లోనా..సర్దుకున్న మనసులోనా..
వదులుకున్న ఆశల్లోనా.. మిగిలిపోయిన ఊపిరిలోనా…
ఏదురు చూసే కాలంలోనా..
ఓ మగువ.. ఎక్కడ నీ ఉనికి..
