കണ്ണീരണിഞ്ഞ ഓർമ്മകൾ
നനഞ്ഞൊഴുകുന്ന എന്റെ കണ്ണീരിൽ
നിന്റെ മുഖം ഞാൻ കാണുന്നു,
ഓർമ്മകളുടെ തിരമാലകളിൽ
ഞാൻ തനിയെ അകലുന്നു.
നീ തന്ന സന്തോഷം,
വേദനയുടെ കടുപ്പം കൂട്ടുന്നു,
എന്റെ ഹൃദയം,
നിന്നോർമ്മകളിൽ പിടയുന്നു.
ഒരു മരത്തിന്റെ തണലിൽ
ഞാൻ ഒറ്റയ്ക്ക് ഇരിക്കുന്നു,
കണ്ണീർ മഴയായി എന്റെ മുഖത്ത് വീഴുന്നു,
ഇനിയെത്ര കാലം ഈ നോവിൽ
ഞാൻ കാത്തിരിക്കണം?
പറയാൻ മറന്ന വാക്കുകൾ,
എഴുതാൻ മറന്ന കവിതകൾ,
ഒരുപാട് സ്വപ്നങ്ങൾ ബാക്കി വെച്ച്
നീ എങ്ങോട്ട് മറഞ്ഞു?
നിനക്കുവേണ്ടി മാത്രം മിടിച്ച
ഈ ഹൃദയം,
ഇനി ആരറിയാൻ?
എന്റെ കണ്ണീരിന്റെ ഓരോ തുള്ളിയും
നിന്നെ കാത്തിരിക്കുന്നു.
✍️തൂലിക _തുമ്പിപ്പെണ്ണ്
