મૌની અમાસનું પુણ્ય સ્નાન
કહેવાતી અમાસ અશુભ ઘણી,
તોય આવે દિવાળી અમાસે!
મહિમા ઘણો સોમવતી અમાસનો,
ને બુધવારની અમાસ પવિત્ર ઘણી!
શું નથી આ સાબિતિ એ બાબતની,
કે શુભ છે પ્રભુનાં બનાવેલ દિવસો?
પવિત્ર સ્નાન મૌની અમાસનું,
હોય સંગમકિનારે પ્રયાગરાજમાં,
તો થઈ જાય જીવન ધન્ય ભક્તનું!
ન જવાય જો સંગમસ્થાને મૌની અમાસે,
ઉમેરી લો ગંગાજળ કે યમુનાજળ ઘરે પાણીમાં,
બોલી મંત્ર નીચેનો કરી લો સ્નાન ઘરમાં જ,
મળ્યું પુણ્ય તીર્થસ્નાનનું સમજી લો મનમાં!
ત્રિવેણી માધવં સોમં ભરદ્વાજં ચ વાસુકિમ્ ।
વન્દે અક્ષયવટં શેષં પ્રયાગં તીર્થનાયકમ્ ।।
