કોઇ કોઇનું નથી રે …
કોઇ કોઇનું નથી રે કોઇ કોઇનું નથી રે
ક્યાંથી આવ્યાં, ક્યાં જવાના,
તેની ખબર નથી- કોઇ
સૃષ્ટિ રચી એવી તેં તો,
દેખાવા છતાં સાચી નથી રે …
પળ પળ નો હિસાબ રાખે તું તો,
પળ મોંઘી ઘણી રે …
સઘળે વસે વ્યાપક બની,
છતાં દેખાતી નથી રે … કોઇ
કામ-ક્રોધના માર છે આકરા,
છતાં દેખાતાં નથી રે … કોઇ
લોભ-મોહ તણા ગૂંચળાં ઝાઝા,
હવે બહાર નીકળાતું નથી રે … કોઇ
સોંપવો છે ભાર ‘માં’ ને,
સોંપાતો નથી રે … કોઇ
પગ પકડી શરણું લેવું છે
‘મા’ નું લેવાતું નથી રે…કોઇ
સદ્ગુરુ દેવેદ્ર ઘીયા
🙏
- Umakant
