અજવાળાં કરો.
એ તમસને દૂર કરવા આજ અજવાળાં કરો.
દીપ મૂકી આંગણેને રાજ અજવાળાં કરો.
દ્વાર તોરણ ટોડલે દીવો પ્રકાશે ઝળઝળી,
આવી દિવાળી સજીને સાજ, અજવાળાં કરો.
છે જરૂરીયાત જેને સાથ આપીને અહીં,
કે મદદ કરવા મળીને ત્યાંજ અજવાળાં કરો.
ભીતરે ફેલાય જ્યારે ડરનું સામ્રાજ્ય કદી,
નામ ઈશ્વરનું લઈ મનમાં જ અજવાળાં કરો.
આજ ચાખ્યો છે હરિરસ પ્રેમમાં તરબોળ થૈ,
આખરી છે યાત્રા, ખુદને કાજ અજવાળાં કરો.©
ગાલગાગા ગાલગાગા ગાલગાગા ગાલગા
"કાજલ"
કિરણ પિયુષ શાહ
૧૨/૦૯/૨૦૨૦
