ગુલાબી ઠંડી આવી શિયાળો શરૂ થયો
લાગણીઓ ની હૂંફ નો ગરમાવો શરૂ થયો
તાપણા નો ગમતો તાપ શરૂ થયો
રજાઈ નો સુંવાળો સ્પર્શ શરૂ થયો
ગરમગરમ સુપ નો સ્વાદ શરૂ થયો
વાદળો માં સંતાતો ધુમ્મસ નો રસ્તો શરૂ થયો
સુરજ નો મીઠો તડકો શરૂ થયો
ફૂલો ને ઝાકળ ભીનો સાથ શરૂ થયો
આકાશે રચાતો સંધ્યા નો રંગ શરૂ થયો
અડદિયા ની સુગંધ નો શ્વાસ શરૂ થયો
મસળતા હાથ નો હૂંફાળો સ્પર્શ શરૂ થયો
ગુલાબી ઠંડી આવી શિયાળો શરૂ થયો
-DeepSea
