મતિ શ્રુત અવધિ જ્ઞાન ત્રય ને ગર્ભ માં અવધારતાં,
સંયમ સમયે જે જ્ઞાન ચોથું સર્વે જીન તે પામતાં,
કરી ઘોર સાધના જે એકાંત માં જ્ઞાન પંચમ પામતાં,
જ્ઞાનાવર્ણીય કર્મ હર અરિહંત ને કરું વંદના (૨ વાર)
જે પ્રભુ તણાં દર્શન થકી કંઈક જીવ સંકેત પામતાં,
જે પ્રભુ તણાં દર્શન થકી કંઈક જીવ સંયમ પામતાં,
જે પ્રભુ તણાં દર્શન થકી જીવો બધા સુખ પામતાં,
દર્શનાવર્ણીય કર્મ હર અરિહંત ને કરું વંદના (૨ વાર)
તુજ વચન ની આરાધના સાતા તણું એ મૂલ છે,
તુજ વચન ની વિરાધના અસાતા નું એ મૂલ છે,
અસાતા ટાળો સાતા દિયો એ જ છે મુજ યાચના,
વેદનીય કર્મ માલ-હર અરિહંત ને કરું વંદના (૨ વાર)
જે પ્રભુ તણી વચન શંકા દર્શન મોહ નું મુલ છે,
જે પ્રભુ તણી શ્રમણ નિંદા ચારિત્ર મોહ નું મુલ છે,
શંકા તળે શ્રદ્ધા મળે ગુણ પ્રેમ ની કરું કરું યાચના,
મોહનીય કર્મ માલ-હર અરિહંત ને કરું વંદના (૨ વાર)
સવી જીવ કરું શાસન રસી ની ભાવે ભાવના ભાવતાં,
સવી જીવ ના કલ્યાણ કાજે જે ઘોર સાધના સાધતાં,
શિવમસ્તુ સર્વ જગત કાજે જે અખેદ દેશના આપતાં,
આયુષ્ય કર્મ માલ-હર અરિહંત ને કરું વંદના (૨ વાર)
આદેય યશ સુસ્વાર નામચીન નામ થી સૌ પામતાં,
શુભ ગતિ અને જીન મતિ પ્રભુ તુજ જાપ થી સૌ પામતાં,
નામનાં ની ના રહો નાથ રે મુજને કદી પણ કામના,
મુજ નામ કર્મ માલ-હર અરિહંત ને કરું વંદના (૨ વાર)
રૂષભાદિક-ત્રેવીસ જિનવરા પ્રભુ ઊંચ કુલે અવતર્યા,
કરી કુલ મદ મરીચી ભવે નીચ ગોત્ર માંહે આવ્યા,
તુજ કર્મ કથની આ સુણી ને આજ થયી સંવેદના,
ગોત્ર કર્મ માલ-હર અરિહંત ને કરું વંદના (૨ વાર)
સ્નેહ-રાગથી સ્નેહીજનો ને ભિક્ષા તણાં અંતરાય કર્યા,
નિજ મતિ થી કંઈ જીવ ને તપ ધર્મ થી દૂરે કર્યા,
શુભ ક્ષેત્ર ને સાત ક્ષેત્ર માં વિઘ્નો ઘણાં મુજ થી થયા,
અંતરાય કર્મ માલ-હર અરિહંત ને કરું વંદના (૨ વાર)
આઠેય-કર્મો માં જે કહ્યો પ્રભુ એ તે શિરમોલ છે,
જ્ઞાનાદી આત્મ ધન તણું જે એક ચોરણહાર છે,
કલ્પન્ય સાથે કર્મનો જે એક પાલનહાર છે,
તે મોહ ઘાતક વર બોધી જિનરાજ તારણહાર છે (૨ વાર)
