લખવું છે કંઇક, પણ શું લખીશ...? જે લખીશ એ તને લખીશ,
મુલાકાત થઈ નથી હમણાં, તો તારા આવતા વિચારોને લખીશ,
મૌન તારું કેટલું સરળ, પણ તારા મૌન પાછળની એ ભાષાને લખીશ,
હસે છે ખરો...? તારા ચહેરામાં છુપાયેલા એ હાસ્ય ને લખીશ,
શબ્દોની સમજણ નથી હજુ એટલી ,પણ જે લખીશ એ અંદાજ થી લખીશ...
વાત અઘરી છે જરૂર, પણ સમજાય એવી સરળ લખીશ,
એકાંત ગમે છે ઘણું પરંતુ એમાં મળેલી તારી વ્યસ્તતા ને લખીશ,
જિંદગી છે આ 'શેષ' પણ એમાં તું છે 'વિશેષ' એ લખીશ.
_અપેક્ષા દિયોરા
