*શોધજે મને*
હું તને જ મળીશ ,તું શોધજે ને મને ,
બાળપણ,યુવાની ને ઘડપણમાં,
ભીની ભીની લાગણીઓમાં,
સ્નેહભર્યા સગપણમાં ,
હું તને જ મળીશ ,તું શોધજે ને મને ,
નજીકથી હૃદયની મોકળાશમાં,
આ વિસ્તરેલી દુનિયામાં,
દુઃખભર્યાં હૃદયમાં,
હું તને જ મળીશ,તું શોધજે ને મને ,
તારી ઢળતી આયુના આયખામાં,
પાંપણે આવેલા આંસુઓમાં,
એજ લાગણીઓના સ્પંદનોનામાં,
હું તને જ મળીશ, તું શોધજે ને મને ,
તારા ઘડપણની લાકડીમાં,
ડગ ભરવા ટેકો પુરાવામાં,
સ્નેહનો કોળિયો ખવડાવવામાં,
હું તને જ મળીશ ,તું શોધજે ને મને.
મારા મૌનમાં પણ હશે,
ભીની ભીની વાતો ,
શબ્દો અર્થહીન નથી મારા ,
હું તને મળીશ,તું શોધજે ને મને .
હું અલગ છું ,
અલગ મારુ અસ્તિત્વ,
રાખીશ હું તારું આ વચન,
હુ તને જ મળીશ ,તું શોધજે ને મને .
હું આર્તનાદ કરીશ,
સંભળાય તને લાગણીનો,
તારા દિલમાં આ *પડઘો* ,
હું તને મળીશ, તું શોધજે ને મને.
આશુ...
