*પાદર* *(તને યાદ છે...!)*
તને યાદ છે...! એ દિવસો...!
જીવનના અદ્ભૂત પડાવમાં...
ગામના પાદરે મળતા,
હાથમાં રાખી હાથ...
એકબીજામાં ભળતા...!
તને યાદ છે...! એ દિવસો...!
તારી આંખમાં જોઈ...
પ્રેમરસ હું વરસાવતો,
પ્રગાઢ આલિંગનમા જકડી...
તારામાં હું ભીંજાતો...!
તને યાદ છે...! એ દિવસો...!
સપના અવનવા સજાવતા...
ને વાતોમાં ક્ષિતિજને આંબતા,
એકબીજાને સાથ આપવાની...
ને પૂર્ણ કરવાની વાતો કરતા...!
તને યાદ છે...! એ દિવસો...!
જ્યારે હું જતો હતો શહેરમાં...
આપણું નવું આશિયાનું બનાવવા,
તું આવી હતી પાદરે બહાવરી બની...
વિહવળ આંખો સાથે મને વળાવવા...!
તને યાદ છે...! એ દિવસો...!
તને રોજ યાદ કરી કરતો ફોન...
જેમાં કરતા વાત મિલનની,
પણ, સમયના ચક્રમાં હું ભરમાયો...
છતાં તારી યાદ થકી જીતાયો...!
મને હજીય યાદ છે...! એ દિવસો...!
આપણી એકમેકમાં ભળવાની વાતો...
પાદરની એ અનેરી યાદો...!
ક્ષિતિજ આંબવાના એ સપના,
ને એકબીજાની પૂર્ણતા ની વાતો...!
*****
સદા ખુશ રહો... સદા જીવંત રહો...
જય શ્રી કૃષ્ણ...
