શું હતું એ?
શું હતું એ?
ભગવાન હતો કે હતો વહેમ મન નો જે વહેમ જ રહી જતો હતો...
શું હતું એ?
શિવલિંગ હતું કે હતું શિલ્પ પથ્થર નું જે જરૂરીયાત મંદ નું દૂધ પી જતું હતું...
શું હતું એ?
લક્ષ્મી હતી કે હતી ધન રાશિ જે ખોટા ને ખોટી રીતે મળેલી અને ખોટા માં જ ગઈ હતી...
શું હતું એ?
સરસ્વતી હતી કે હતી જબાન જે વાંકુ જ બોલતી હતી...
શું હતું એ?
શ્રદ્ધા હતી કે હતી ઇચ્છા ઓ મન ની જે કદી પૂરી થઈ શકી ન હતી...
શું હતું એ?
દાન હતું કે હતું ધન જે સ્વાર્થ ભાવે આપવાં માં આવેલું હતું...
શું હતું એ?
દયા હતી કે હતી મદદ જે સામે વાળા ને નબળો પુરવાર કરતી હતી...
શું હતું એ?
ધર્મ હતો કે હતો કરાર જે માનવી ને માનવી થી અલગ પાડતો હતો...
જીગેશ પ્રજાપતિ