The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
ઉડતા રહ્યા જે આભમાં સપના બધા નક્કર નથી. કાજળ બની શાને વહે! મન આપણું ગાગર નથી. છો ને મળે ઠોકર હજારો, શાનથી તું જીવજે, અડકી નિશા રડતાં રહે, શમણાં બધા કાયર નથી. કાજળ કહે ભીનાશને, છે વાસ મારો આંખમાં, છો ને મળે અશ્રુ લળી, કામણ બન્યું બેઘર નથી. આવી હતી હું આંગણે, તારણ મળ્યું ના પ્રેમનું, બોલી મને મીઠી મળે, મનમાં જરા સાકર નથી. હસતા રહે ફૂલો સદા, વળગી રહે કંટક ભલે, ઝાકળ બની વરસે નહીં, શું પ્રેમ નું ચણતર નથી? ચેતન રાઠોડ ગોહેલ "ઝાકળ" ભાવનગર
અનોખી પ્રેમ કથા I love you jaan. અચાનક આ શબ્દ કાને પડતા જ મીષ્ટિનું દિલ જોરજોરથી ધડકવા લાગે છે. જાણે તેનો શ્વાસ બંધ થઈ ગયો હોય અને શબ્દો મૌન બની તેને વીંટળાઈ ગયા લાગે છે. આજ વીસ વર્ષ પછી આકાશ મીષ્ટિ ની સામે આવે છે અને મીષ્ટિ બસ એકીટસે આકાશની સામે જોઈ રહે છે. તેની આંખમાંથી આંસુ સરી પડે છે. મૌન બનેલા શબ્દો પણ આજ રડવા લાગે છે. મીષ્ટિ વીચારે છે કે આ સપનું છે કે હકિકત. ખરેખર આકાશ તેની સામે છે? જે વાક્ય સાંભળવા માટે તે વીસ વર્ષથી તરસતી હતી તે વાક્ય સાંભળી આજ મીષ્ટિ બધા જ દર્દ ભૂલી જાય છે. મીષ્ટિ આકાશની નજીક જાય છે અને તેને વળગી પડે છે. બન્નેની આંખમાં ખુશીના આંસુ છે. મીષ્ટિ પણ કહે છે, "love you too jaan." આજથી વીસ વર્ષ પહેલા આકાશ અને મીષ્ટિ ની ઓળખાણ સોશ્યલ મીડિયા મારફતે થઈ હતી. ધીમે ધીમે બન્ને વચ્ચે ગાઢ મૈત્રી બંધાણી. બન્ને એકબીજાને પોતાના વિચારો, દુઃખ, સુખ બધું જ શેર કરતા. ધીમે ધીમે બન્ને વચ્ચે મિત્રતા કરતા વધારે લાગણી થવા લાગી. બન્ને એકબીજાને પ્રેમ કરવા લાગ્યો. એક નિઃસ્વાર્થ અને પવિત્ર પ્રેમમાં બન્ને વહેવા લાગ્યા. જ્યારે પણ આકાશ મીષ્ટિ ને મળતો મતલબ મેસેજ કરતો ત્યારે કહેતો," love you jaan". બન્ને એકબીજાથી બહું દૂર હતા છતા બન્ને એકબીજાની બહુ નજીક હતા. તેનો અહેસાસ તેને રુબરુ કરાવી જતો. જ્યારે મીષ્ટિ આકાશને યાદ કરે તરત જ આકાશનો મેસેજ આવ્યો જ હોય. બન્ને વચ્ચે પ્રેમનો સેતુ મજબૂત બનતો ગયો. પણ તે ક્યારેય રુબરુ ના થયા. બસ દૂરથી જ તેની લાગણી વરસતી હતી. એક વર્ષ પછી અચાનક આકાશના મેસેજ આવતા બંધ થઈ ગયા. સમય અને પરિસ્થિતિએ આકાશને મીષ્ટિ થી દૂર કરી દીધો. પણ બન્નેના દિલમાં રહેલો અહેસાસ હમેંશા જીવંત રહ્યો. મીષ્ટિ રોજ આકાશના મેસેજની રાહ જોતી. તેને વિશ્વાસ હતો કે આકાશ તેને ખૂબ જ પ્રેમ કરે છે. વાતો થતી બંધ થઈ ગઈ પણ તેનો પ્રેમ દિવસે દિવસે વધતો ગયો. આજ જ્યારે વીસ વર્ષ પછી Love you jaan શબ્દ કાને પડ્યો ત્યારે મીષ્ટિ નું હ્રદય જાણે ધડકતુ બંધ થઈ ગયું અને આકાશના શબ્દોથી તે શ્વાસ લેવા લાગી. વીસ વર્ષ પછી આકાશને પોતાની નજર સમક્ષ જોઈ મીષ્ટિ આજ કઈ બોલી ના શકી. બસ આટલું જ બોલી, "love you too jaan. " મીષ્ટિ અને આકાશના નિઃસ્વાર્થ પ્રેમની આજ જીત થઈ. બન્ને એક ના થયા પણ તેનો પ્રેમ હમેંશા જીવંત રહ્યો. બન્ને એકબીજાના શ્વાસ બની એકબીજાના દિલમાં ધડકતા હતા. ચેતના રાઠોડ ગોહેલ "ઝાકળ"
ચલ મારા શ્વાસને propose કરી દઉં. દિલના દરવાજામાં close કરી દઉં. ઘવાયો છું તારા નજરોના તીરથી, પલકારો આંખનો pause કરી દઉં. ચેતના રાઠોડ ગોહેલ "ઝાકળ"
શ્વાસની તમે જાત પુછો છો! અહેસાસોની નાત પુછો છો! સ્પર્શ લાગણીનો છળતો રહ્યો, વેદનાની કદી ભાત પુછો છો!? ચેતના રાઠોડ ગોહેલ "ઝાકળ"
હું ક્યાં તારી પનાહ માંગુ છું!? જિંદગીભરની રાહ માંગુ છું. એક ટાંકણી જગ્યા જોઈએ છે, હું તારી ખુશીની ચાહ માંગુ છું.
છંદ - મુત્કારીબ બંધારણ - લગાગા લગાગા લગાગા લગાગા શું કરું હું? વધુ શું કહું હું, વધુ શું કરું હું? કર્યા શ્વાસ અર્પણ, હવે શું ધરું હું? બની શ્વાસ દિલમાં વસું છું તમારી, કરે જો અલગ તો કયાં ડગ ભરું હું? વમળમાં ફસાણી, દરીયે સમાણી, કિનારો બતાવે ફરી અવતરું હું!? ધરા જો તરસતી ને ગગને અટકતી, રડાવે મને ક્યાં જઈ કરગરું હું!? વિરહ વીંટળાયો મને આજ એવો, સતાવે મને યાદ જો ને મરું હું. ચેતના રાઠોડ ગોહેલ "ઝાકળ" ભાવનગર
💜છંદ - મુત્દારીક છંદ 💙 બંધારણ - ગાલગા ગાલગા ગાલગા ગાલગા 💚💛💙💜🧡❤️💚💛 કરી ના શકે!? તું મને પ્રેમ છોને કરી ના શકે ! જિંદગીની સફર આદરી ના શકે! આંખમાં આજ જો ને ભરી પ્રેમને, બૂંદ આંસુ જરા તો સરી ના શકે. હું તને ક્યાં કહું છું મળી જા મને, શ્વાસની જેમ કાયમ ભરી ના શકે? મૃગજળ એક જો આજ તલસી રહ્યું, કાળજાને સવારી હરી ના શકે? વાર તારો થયો ઊર કંપાવતો, આપતા ડંખ શાને ડરી ના શકે? કેમ છોડી મને તું પછાડી ગયો? પ્રેમ મારો બની તું વરી ના શકે? તું મને વીંટળાયો વસંતે લળી પાનખર જો બની તું ખરી ના શકે! મૌન ભાળી મને દર્દ આપી ગયો, ઘાવ દેખી મને કોતરી ના શકે. વણકહી છે કહાની જરા આગની, દિલ પથ્થર બનીને મરી ના શકે. ના થયું જો મિલન આપણું શું થયું? યાદ દિલમાં સજાવી સ્મરી ના શકે? આજ લાગે મને જિંદગી આકરી, કેમ "ઝાકળ" બની અવતરી ના શકે!? ચેતના રાઠોડ ગોહેલ "ઝાકળ" ભાવનગર
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
