પહેલો શબ્દ મારા મનમાંથી નીકળ્યો: "એકલી(ALONE)."
કે પછી તે "Enola" હતો?
તેને પાછળથી અજમાવી જુઓ.
CHRYSANTHEMUMSMYINLOOKENOLA
મારી નજર પહેલા ભાગ પરથી પસાર થઈને "MUM" અક્ષરો પર પડી. મમ્મી. મમ્મી મને પોતાના વિશે સંદેશ મોકલી રહી હતી?
MUMS MY IN LOOK ENOLA
શબ્દોનો ક્રમ ઊંધો સંભળાયો.
ENOLA LOOK IN MY
ઓહ, સ્વર્ગની ખાતર. ક્રાયસેન્થેમમ્સ (CHRYSANTHEMUMS). પાનાની આસપાસ દોરેલા ફૂલોની સરહદે મને કહેવું જોઈતું હતું. ગોલ્ડ અને રસેટ ક્રાયસેન્થેમમ્સ.
મેં સાઇફર ઉકેલી નાખ્યો હતો.
હું બિલકુલ મૂર્ખ નહોતી.
અથવા કદાચ હું હતી, "ઈનોલા, મારા ક્રાયસન્થેમમ્સમાં જુઓ" એનો અર્થ શું હતો? શું મમ્મીએ ક્યાંક ફૂલોનાં ક્યારામાં કંઈક દાટી દીધું હતું? અસંભવિત. મને શંકા હતી કે તેણીએ તેના જીવનમાં ક્યારેય પાવડો પકડ્યો હશે. ડિક આવા કામકાજ સંભાળતો હતો, અને કોઈ પણ સંજોગોમાં, માતા માળી નહોતી; તેણીને ક્રાયસેન્થેમમ્સ જેવા મજબૂત ફૂલોને પોતાની જ સંભાળ લેવા દેવાનું ગમતું.
બહાર ક્રાયસેન્થેમમ્સ. તેના ક્રાયસેન્થેમમ્સ એટલે શું?
નીચે કેસમેન્ટ ઘડિયાળમાં બે નો ડંકો વાગ્યો. પહેલાં હું ક્યારેય મોડી રાત્રી સુધી જાગી ન હતી. મારા મગજમાં એવું લાગ્યું જાણે કે તે તરી રહ્યા હતા, હવે મારું મગજ કામ કરે તેવુ લાગતું નથી.
હવે હું ખાસ્સી થાકેલી અને પથારીમાં જવા માટે તૈયાર હતી. પરંતુ હું ઈચ્છતી ન હતી.
વેઇટ. માતાએ મને બીજું પુસ્તક પણ આપ્યું હતું. ધ મિનિંગ્સ ઑફ ફ્લાવર્સ. તેને લઈને, મેં અનુક્રમણિકાની સલાહ લીધી, પછી ક્રાયસેન્થેમમ્સ જોયું.
"ક્રાયસન્થેમમની ભેટ પારિવારિક જોડાણ સૂચવે છે અને, સૂચિતાર્થ દ્વારા, સ્નેહ દ્વારા."
કંઈપણ ન હોવાં કરતાં ગર્ભિત સ્નેહ વધુ સારો હતો.
અસ્પષ્ટ રીતે, મેં સ્વીટ પી બ્લોસમ્સ તરફ જોયું.
"ગુડબાય, અને કોઈ સુંદર સમય માટે આભાર. પ્રસ્થાન પર એક ભેટ.
પ્રસ્થાન.
આગળ, મેં થિસ્ટલ્સ ઉપર જોયું.
"ડિફાયન્સ." (કોઈકની આજ્ઞા માનવાનો ઇનકાર કરવો)
ભયાનક રીતે હું હસી.
તેથી. મમ્મીએ સંદેશ છોડી દીધો હતો. જાપાની ફૂલદાનીમાં પ્રસ્થાન અને ડિફાયન્સ. દિવાલ પર સો વોટર કલર્સ સાથે તેના આનંદી બેઠક રૂમમાં.
ફૂલોના વોટર કલર્સ.
મેં આંખો પટપટાવી, મોટેથી હસી. "ઈનોલા," હું ગણગણી, "બસ."
"માય" ક્રાયસન્થેમમ્સ. માતાના. જે માતાએ દોરેલા હતાં.
અને ફ્રેમ કરેલા, અને તેના બેઠક ખંડની દિવાલ પર પ્રદર્શિત.
હું જાણતી હતી.
શાહી વિના, મમ્મી પેઇન્ટિંગમાં શું હોઈ શકે અથવા તે "કેવી રીતે હોઈ શકે છે, હું જાણતી હતી કે હું યોગ્ય રીતે સમજી ગઈ છું, અને હું જાણતી હતી કે મારે જવું જોઈએ અને જોવું જોઈએ. આ જ ક્ષણે. રાતના અંધકારમય કલાકે. જ્યારે કોઈ બીજાને, ખાસ કરીને મારા ભાઈ માયક્રોફ્ટને ખબર ન પડે.
છોકરીઓએ ઢીંગલીઓ સાથે રમવું જોઈએ. વર્ષોથી, સારા હેતુવાળા પુખ્ત વયના લોકોએ મને વિવિધ ઢીંગલીઓ આપી હતી. મને ઢીંગલીઓ પ્રત્યે નફરત હતી, જ્યારે હું શક્ય હોય ત્યારે તેમના માથા કાઢી નાખતી હતી, પરંતુ હવે મને આખરે તેનો ઉપયોગ મળી ગયો હતો. પીળા વાળવાળી ઢીંગલીના માથાનાં પોલાણમાં, મેં મારી માતાના રૂમની ચાવી છુપાવી દીધી હતી. મને તે મેળવવામાં ફક્ત એક જ ક્ષણ લાગી.
પછી, તેલના દીવાની વાટ નીચે કરીને અને મારી મીણબત્તી મારી સાથે લઈને, મેં મારા બેડરૂમનો દરવાજો હળવેથી ખોલ્યો.
મારી માતાનો દરવાજો મારાથી પરસાળના વિરુદ્ધ છેડે અને ગેસ્ટ રૂમની સામે હતો.
જ્યાં મારો ભાઈ માયક્રોફ્ટ સૂતો હતો.
આશા રાખું કે તે સૂતો હશે.
આશા રાખું કે તે ખૂબ જ સારી રીતે સૂતો હશે.
ઉઘાડા પગે, એક હાથમાં મીણબત્તી અને બીજા હાથમાં મારી કિંમતી ચાવી સાથે, હું પરસાળમાં નીચે ગઈ.
માયક્રોફ્ટના બંધ બેડરૂમના દરવાજા પાછળથી એક અસંસ્કારી અવાજ આવ્યો કે જે તડકામાં સૂતા ડુક્કર જેવો હતો.
દેખીતી રીતે મારો ભાઈ નસકોરાં બોલાવતો હતો.
એ વાતનો સારો સંકેત છે કે તે ખરેખર ઊંઘી રહ્યો હતો.
ઉત્તમ.
શક્ય તેટલી શાંતિથી મેં મારી માતાના દરવાજાના તાળામાં ચાવી નાખી અને ફેરવી. છતાં, બોલ્ટનો અવાજ થયો. અને, જેમ જેમ મેં નોબ ફેરવ્યો, તેમ તેમ લૅચમાં અવાજ થયો.
માયક્રોફ્ટના નસકોરાંના લયમાં એક અવાજે વિક્ષેપ પાડ્યો.
મારા ખભા તરફનાં તેના બેડરૂમના દરવાજા તરફ જોતાં, હું થીજી ગઈ.Iખોવાયેલ રાજકુમાર 17
