काही समजेना झालय
जगायची अडचण आहे
मरणाचीही बोंब आहे
जगायच कशासाठी , कुठवर
आणि कुणासाठी?...काही समजेना झालंय
नित्य चाले भजन, पूजन
गल्लोगल्ली किती उगवलेत
बाबा ,बुवा आणि साधु-संत
देव झाकावा अन् बुवा पुजावा....काही समजेना झालय
कोण राम कोण कृष्ण ?
इथे थोर राम - रहिम ,आसाराम
योगेश्वर अन् बाबा बागेश्वर
आजही वाळीत पडले ज्ञानेश्वर... काही समजेना झालंय.
शाहू - फुले -आंबेडकर वनवासात
मना- मनात विकृत बाबा खरात
कुणी पाय धुवी, कुणी आरती गाई
म्हणू कसा ?जयजय महाराष्ट्र माझा...काही समजेना झालय
लाज, भीड ,शरम ही भावंडं
कधीच लागली देशोधडीला
कोण खरा कोण कोण खोटा
सत्तेसाठीच ना हा साराआटापिटा? ... काही समजेना झालय
बाळकृष्ण सखाराम राणे
