અચાનક એક અંધારી રાતે,
એના મોંમાંથી સર્યા એ બોલ,
કે તને મારાથી કેમ છે પ્રેમ બોલ?
મેં કહ્યું...
તું સાથ છે, તું સંગાથ છે,
સુખ-દુઃખમાં મેં પકડેલો હાથ છે.
તું સ્નેહ છે, તું સુકૂન છે,
મારા પરના વિશ્વાસનું જુનૂન છે.
તું ગુસ્સો છે, તું વ્હાલ છે,
મારા પ્રેમને કાયમ ઝીલતો ગાલ છે.
તું આજ છે, તું આવતીકાલ છે,
મારા સપના માટે દુનિયા સામી ઢાલ છે.
તું સર્વસ્વ છે, તું સ્વામી છે,
મારા જીવનની પૂરી કરતો તું ખામી છે.
તું પ્રેમ છે અને તું જ પ્રેમ છે,
છતાંય તું પૂછે છે, મને કેમ પ્રેમ છે?
તો બસ આમ જ પ્રેમ છે મને...
-વિચારોને વાચા
