for all writers, authors, and poetess. ❣️
art of words🌸
Mujhe writing par hi likhna tha…
iss art par—
jisne ek insan ke dard ko bhi
itni sundarta se shabdon me utaar diya
ki padne wale ko sab samajh aa jaata hai।
Khushi ko shabdon me likh do to
wo aur bhi nikhri lagti hai।
Aansu ko shabd bana do
to duniya deewani ho jaati hai।
Itne alag–alag hunar
ek hi kalam me hote hain—
shyahi aur bhavnao se
piroye hue।
Aur jab kalam se kagaz tak ka safar
poora hota hai,
tab shabdon ko
zubaan ki zarurat hi nahi padti…
aankhein hi sab keh deti hain।
Aur agar ussi kagaz par
kisi ki yaad,
kisi ka ehsaas,
ya pyaar likh diya jaaye—
to wo likhna nahi…
ishq kehlata hai।
Har ek ka nazariya alag hota hai—
padhne me, dekhne me, samajhne me।
Isliye hum likhte hain…
taaki dil ki baat dil tak pahunch sake।
by:pinklotus❣️🌸
#wordsmagic .
