સિવિલ હોસ્પિટલમાં ઓ .પી. ડી. વિભાગની બહાર છેલ્લા બે કલાકથી ઉભેલી બિમાર કાવેરીને માંડ માંડ ખુરશી મળી તો ' હાશ' કરતાક ને બેસી જ ગઈ. હજી તો બેસી જ છે ત્યાં જ પાછળથી એક વૃદ્ધ કાકાને લાકડીના સહારે માંડ માંડ ઉભેલા જોયા. પોતે તરત જ ખુરશી માંથી ઊભી થઈને વૃદ્ધ કાકાને જગ્યા આપી. ટ્રેન હોય કે એસ. ટી બસ હંમેશા પોતે ઊભા રહીને બીજા ને જગ્યા આપવાની એની આદત ના કારણે એ ઊભી તો થઈ ગઈ પણ એ તો ભૂલી જ ગઈ કે પોતે પણ ક્યાં હવે નાની છે? ચક્કર આવવાના કારણે ત્યાં ને ત્યાં જ ફસડાઈ પડી.
