આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
ભલે આપણી ફરમાઈશ મમ્મી પુરી કરતી હશે,પણ
ક્યાંક એ આપણા માટે પપ્પાને જ ફરમાઈશ કરતી હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
અરમાન પુરા કરવાના સપના ભલે માં જોતી હશે,પણ
એ સપના પુરા કરવાના અરમાન પપ્પાનાં જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
સરસ તૈયાર કરવાના શોખ ભલે મમ્મીને હશે,પણ
એ શોખ પુરા કરવાની તૈયારી ક્યાંક પપ્પાની જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
ભલે સાથે આખો દી માં હશે, પણ
સાંજે ભેટવાની ઈચ્છા એ પપ્પાની જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
સરસ ભોજન જમાડનારી માં જ હશે, પણ
એ ભોજન લાવવાની ચિંતા તો પપ્પાની જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
સારાં ભણતરનું અભિમાન ભલે માં ને હશે, પણ
એ ભણતરનું જતન કેવી રીતે કરવું એનું જ્ઞાન તો પપ્પાને જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
હોય દુઃખી આપણે તો માં દુઃખી હશે, પણ
મનના કોઈક ખૂણે પપ્પા પણ રડતાં જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
માં માટે શબ્દ અપાર હશે, પણ
અખૂટ વાક્યો એ પપ્પા માટે જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
ખ્યાતિ 'સિદ્ધયતિ'
