સીતાયન....
શિવધનુષની પ્રત્યંચા પર
કરૂં જીવતર આખું અર્પણ,
અયોધ્યાથી અશોકવાટિકા
યાત્રા જ મારૂં જીવન દર્શન...
***
પતિવ્રતા ની પ્રબળ પરંપરા
સાચવી રાખુ જીવનપર્યંત,
જાણું ના હું આ જગતનું
બીજું ક્યાં કોઈ સગપણ...
***
રાજમહેલની પ્રીત ન રાખી
ને વનવગડાની રીત ન જાણી,
રામનામ હર શ્વાસે સમરૂ
બસ આટલી મારી સમજણ...
***
પવિત્રતાનું પરિમાણ માપવા
ઓઢી લઉં આ અંગ અગન
રામ રામ રટતા રટતા
આ જાત હોમુ, જાણે બળતણ...
***
મા ધરા બને જનેતા મારી
અંત ઘડી પણ મા ખોળે તારી,
આ રામાયણનાં રઘુવીરને
કરૂં સીતાયન સમર્પણ...
મારા રામને કરૂં સીતાયન સમર્પણ...
----- શોભા વિપુલ
9980410279
#women
બેન્ગલોર...
