ઘર એક મંદિર
જ્યાં તુલસી બની દીકરી ઘરની પવિત્રતાને જાળવી રાખે એ ઘર એક મંદિર
જ્યાં જળને પવનથી ના ડરી દીવો બની ઝ ળ કે દીકરો એ ઘરે એક મંદિર
જ્યાં ધૂપ સળી બની વહુ પોતાની મહેક થી મહેકાવે ઘરને એ ઘર એક મંદિર
જે બની પુજારી ઘરની દરેક વ્યક્તિની સંભાળ લે માત પિતા એ ઘર એક મંદિર
જ્યાં વડીલ પરમેશ્વરની સમી મુરત બની પૂજાય એ ઘર એક મંદિર
જ્યાં સંસ્કારનો કળશ ઘરના શિરે શોભે એ ઘર એક મંદિર
જ્યાં સત્કર્મ અને સદભાવનાની ધજા લહેરાઈ એ ઘર એક મંદિર
જ્યાં સત્ય અહિંસા અને ક્ષમા નું ત્રિશુલ દેખાય એ ઘર એક મંદિર
જ્યાં સાદગી એ જ શણગારની ધૂન સંભળાય એ ઘર એક મંદિર
જ્યાં શીતળતા અને શાંતિની અનુભૂતિ થાય એ ઘર એક મંદિર
Nanda H Solanki.
5/2/2024.
