ક્યારેક મનભરીને હસી જાણીએ.
ક્યારેક કોઈ દિલમાં વસી જાણીએ.
આ તો છે આપણું એક પ્રેમનગર,
મળનારાને પોતાના કરી જાણીએ.
ના ગમે કોઈની કરવી આઘીપાછી,
થતી હોય ત્યાંથી ખસી જાણીએ.
કરે કોઈ ગુસ્સો આવેગે અદકેરો,
ઠંડા દિમાગે એને ભૂલી જાણીએ.
નબળી ક્ષણોનો હિસાબ ન હોય,
ગમતી પળોને વાગોળી જાણીએ.
ગમા અણગમાની આ દુનિયામાં,
ગમતું વાતાવરણ સર્જી જાણીએ.
ના આંકીએ કમ કદી નિજજાતને,
શકુંતલાસુત વારસ બની જાણીએ.
આફત છોને પડકાર ફેંકતી કદીએ,
પાનખરમાં વસંત માણી જાણીએ.
- ચૈતન્ય જોષી. ' દીપક ' પોરબંદર.
