છોડીદે બધી ચિંતા ને લગાવ આશોપાલવના તોરણ,
ચાલ સ્નેહના દીવડા જીવનમાં ઝગમગાવી દઈએ,
આવી દિવાળી, ચાલ ઉજવી લઈએ........
બનાવીદે ઘૂઘરા, મઠિયા, ચોરાફળી ને મોહનથાળ,
ચાલ આપણાઓ સાથે સંબંધો મીઠા કરી લઈએ,
આવી દિવાળી, ચાલ ઉજવી લઈએ........
દોરીને સોનેરી સપનાઓની રંગોળી આપણા આંગણે,
ચાલ જીવનમાં મનગમતા રંગબેરંગી રંગો પુરી લઈએ,
આવી દિવાળી, ચાલ ઉજવી લઈએ........
દુઃખોનું રોકેટ, સ્વાર્થનો સુતળી બૉમ્બ, ઈર્ષ્યા નો સાપ બનાવી,
ચાલ સુખની ફૂલઝર વડે આ બધાને બાળી દઈએ,
આવી દિવાળી, ચાલ ઉજવી લઈએ........
કંકુ ના સાથિયા ઉંબરે કરી સરસ્વતીજીને સાથે રાખીને,
ચાલ લક્ષ્મીજી ને આવવાની પ્રાર્થના કરી લક્ષ્મી પૂજન કરીએ,
આવી દિવાળી, ચાલ ઉજવી લઈએ........
-રમેશ શર્મા
09/11/2023
