गणराया...
आद्य लेखक तूच...
मी पामरानं तुझ्यावर
लिहावं तरी काय..
तुझ्या सुखद आगमनानं
मात्र दुरावलेले ,
घराकडे वळलेच बघ पाय.
इवल्याश्या अणुपासून ते
अवघं विश्व प्रतिक्षेत असतं
फक्त तुझ्याच
आगमनाच्या.
बघ ना... बळीराजाचं सुख
हिरावून दडी मारलेला वरुणही
पुनःश्च अवतरलाच,
तुझ्या आगमनासाठी.
तुझ्या आगमनामुळेच,
आप्त स्वकीयांच्या
घडून येतात सुखभेटी.
तुझं पाऊल घरात पडलं की
वाटतंच,
असंच पडुन राहावं मारुन
तुझ्या चरणांना मिठी.
तूच सुखाची व्याख्या
माझ्या दुखहर्ता सख्या.
असाच वरदहस्त ठेव
शिरावर,
लेखनीवर प्रेम करणाऱ्या
एका पामरावर नवख्या.
सर्व आप्त, स्वकीय, मित्रपरिवार आणि सुह्रद
लेखक-लेखिकांना गणोशोत्वाच्या मंगलदायी शुभेच्छा 💐
गणपती बाप्पा मोरया.🙏🙏
© एक गणेशभक्त.
सदासन
