🤣 અવળ વાણી 🤣
ચા એ ભૂલાવ્યું શિરામણ
બીડી એ ભૂલાવ્યો હોકો,
ટોપી એ ભૂલાવી પાઘડી
છત્રી એ ટાળ્યો ધોકો !
મામો ગોતે ખીજડો
મદારી ગોતે ઘોઘો,
ભૂત ગોતે પીપળો
ચોર ગોતે મોકો !
સાસુ એ ભુલાવ્યા સગપણ
વહુ એ ભૂલાવી બા,
સાળા એ ભૂલાવ્યો ભાઈ
એટલે કહું પરણ માં !
ડેલીએ બેસી ચોવટ કરે
કરે એ પારકી પંચાત,
આમાં સાસુવહુને ક્યાંથી ભળે
ડોશીએ વાળ્યો દાટ !
વાહને ભાંગ્યા ટાંગા
ને મશીને ભાંગ્યા હાથ,
અડધી રાતનાં ઉજાગરા
ને ટીવીએ વાળ્યો દાટ !
રગડાએ ભૂલાવ્યો રોટલો
દારૂએ ભૂલાવ્યુ દૂધ,
વ્યસનમાં આખા ઘેરાય ગયાં
આમાં ક્યાંથી લાગે ભૂખ !
સાસુને કોઈ ગણે નહીં
સાસરાનું તો હાલે નહીં કાંઈ,
ધણી બિચારો શું કરે
ઓલી વહુ કયે એમ જ થાય !
ખાવાનું કોઈ પૂછે નહીં
ને પાણી કોઈ ન પાય,
અહીં કોઈ કોઈનું નથી
એ તો એંસી વર્ષે સમજાય!
ચપટીક મૂઠી જારની
એ લઈને મંદિરે જાય,
પછી કરતાલ પર કાઢે બળાપો
એમ પરભુ ક્યાંથી રીઝાય !
દિકરી અને ગાય
એ તો દોરે ત્યાં જાય,
પણ માથાભારે હોય તો
કાયમ માથું મારીને ખાય !
હવે તો મારો રામ બચાવે
😊😊🙏🏻😊😊
